Pétur Jónasson

Pétur Jónasson - guitar
Pétur Jónasson – guitar

Pétur Jónasson hóf nám í gítarleik níu ára að aldri hjá Eyþóri Þorlákssyni og var síðar við framhaldsnám hjá Manuel López Ramos í Mexíkóborg. Að því loknu var honum veittur styrkur frá danska Sonning-sjóðnum til frekara náms hjá José Luis González á Spáni og í kjölfarið hlaut hann einnig styrk frá spænska ríkinu til þess að læra undir handleiðslu José Luis Rodrigo. Þá var hann einn af tólf gítarleikurum víðs vegar að úr heiminum sem valdir voru til þess að leika fyrir Andrés Segovia á námskeiði sem haldið var í Los Angeles. Pétur hefur komið fram sem einleikari víða um heim, gert útvarps- og sjónvarpsupptökur og leikið inn á hljómplötur og geisladiska, m.a. verk sem samin hafa verið sérstaklega fyrir hann. Hann var tilnefndur til Tónlistarverðlauna Norðurlandaráðs árið 1990, fyrstur íslenskra einleikara.

Pétur eraðalgítarkennari Listaháskóla Íslands. Hann er nú búsettur í Madrid á Spáni.